ગઝલ

ગિરફતાર કરી લ્યો!

માણસ નથી, સુવ્વર છે; ગિરફતાર કરી લ્યો!
એ જીવતું દોજખ છે; ગિરફતાર કરી લ્યો!

કીડો છે નરકનો ને એ મરવાનો નરકમાં;
ઇન્સાનનો દુશ્મન છે; ગિરફતાર કરી લ્યો!

ફુત્કાર કરે છે તો ઝેર ઝેરની ધાર;
એ ગોબરો અજગર છે; ગિરફતાર કરી લ્યો!

બાળે છે એ પુષ્પોને, ટહુકાને, વિહગને;
ભડભડતો એ આતશ છે; ગિરફતાર કરી લ્યો!

શયતાનની નવી આવૃત્તિ થઇને એ આવ્યો;
ભૂલો કે એ માણસ છે; ગિરફતાર કરી લ્યો!

- ભગવતીકુમાર શર્મા