વિચાર કણિકાઓ-2

સુખ આપણા સંયમ અને દુઃખ આપણી સહનશક્તિનું વજન કરનાર તટસ્થ ત્રાજવું છે. — એસ. ભટાચાર્ય

જીવનરીતિ ભલે સરળ-સાદગી ભરી હોય પરંતુ વિચારો તો સદા ઊંચા જ રાખવા જોઈએ. — સર મિલ્ટન

જેમ વૃક્ષને તેના ફાલવાના યોગ્ય સમયે ફળ-ફૂલ લાગે છે તેમ માનવીનાં કર્મ ફળ એનો સમય પાકતાં માણસને મળે છે. — સંત તુલસીદાસ

થાકેલા માણસને કિલોમીટર જેટલો પ્રવાસ પણ લાંબો લાગે તેમ જેણે ધર્મને જાણ્યો નથી તેને જન્મોજન્મની શૃંખલા લાંબી લાગે છે. — બુદ્ધ

કુટુંબમાં માણસની સ્વતંત્રતા, શિસ્ત, ત્યાગની કસોટી થાય છે કારણ કે કુટુંબ એ એકમાત્ર એવી સંસ્થા છે, જે માણસે સ્વયં, પોતાના માટે જ, પોતાની મરજીથી રચી છે. — જી.કે. ચેસ્ટરટન

મેં કેવું આલીશાન ઘર બાંધ્યું તે નહિ પણ, મારું ઘર કેટલાં લોકોને માટે વિસામા રૂપ બન્યું, કેટલાંને આશ્વાસન મળ્યું, કેટલાંને ટાઢક, આત્મીયતા મળી, હૂંફ મળી એમાં જ ઘરની ભવ્યતા છુપાયેલી છે. — કુન્દનિકા કાપડિયા