ઠંડીને દૂર કરીશું !
લો ફરી આવી પહોંચી શિયાળાની ઠંડી ;
હવે શરીરે ના પહેરાશે એકલી બંડી !
વહેલી સવારે સ્કૂલે જવાનો આવે કંટાળો; 

તો ક્યારેક મારીશું ભાઇ સ્કૂલમાં દાંડી !
ઠંડીમાં પહેરવા પડશે સ્વેટર ને કોટ ;
હું તો લાગીશ આ કપડામાં બહુ જાડી !
ઠંડીમાં ઠંડું નહિ, ખાવું પડશે ગરમ ;
આઇસ્ક્રીમ ખાશું તો બૂમ પાડશે માડી !
ઠંડીનો સામનો કરવો મુશ્કેલ તો નથી !
ઠંડીને દૂર કરીશું, કસરત કરીશું દોડી !
- રાકેશ ઠક્કર