ગઝલજિંદગાની એક મોટી હોડ છે,
બસ કબર સુધીની અંતે દોડ છે!
જે સફરનો હું સમજતો અંત તે,
જિંદગીનો સાવ નવતર મોડ છે.
આમ સપનાં તો ઘણાં છે દિલ મહીં,
ખાટલે તો ઊંઘની બહુ ખોડ છે.
કામ નહિ લાગે ઉતાવળ આપની,
વાર છે ફળને, હજી એ છોડ છે.
જિંદગીને ના સરળ સમજો તમે,
કેમ જાશો, સિંહની એ બોડ છે.
- રાકેશ ઠક્કર
(www.gujaratikavita.com પર 25 મે ના રોજ પ્રગટ થયેલ ગઝલ. સંપાદન- કવિ શ્રી સુધીર પટેલ (અમેરિકા))
Contact Email- rmtvapi@yahoo.co.in
2 ટિપ્પણીઓ:
Nice Gazal!
Sudhir Patel.
સુંદર ગઝલ...
લગભગ બધા શેર સુંદર થયા છે...
ટિપ્પણી પોસ્ટ કરો